അദ്ദിക്ർ

പ്രവാചകന്‍റെ കാലത്ത് കപടവിശ്വാസികളും ജൂതരുമാണ് ത്വാഗൂത്തുകളായ വിധികര്‍ത്താക്കളെ സ്വീകരിച്ചിരുന്നതെങ്കില്‍ ഇന്ന് 5: 55-56 സൂക്തങ്ങളില്‍ വിവരിച്ച പ്രകാരം ആദം മുതല്‍ അന്ത്യനാള്‍ വരെയുള്ള വിശ്വാസിയായ നാഥന്‍റെ ഏകസംഘത്തില്‍ പെടാതെ വിവിധ സംഘടനകളായിപ്പിരിഞ്ഞ് പിശാചിന്‍റെ സംഘത്തില്‍ പെട്ട അറബി ഖുര്‍ആന്‍ വായിക്കുന്ന ഫുജ്ജാറുകളാണ് ത്വാഗൂത്തിനെ അനുസരിക്കുന്നവരും പിശാചിന്‍റെ കാല്‍പാടുകള്‍ പിന്‍പറ്റുന്നവരും. 4: 15-16 സൂക്തങ്ങളില്‍ വിവരിച്ച പ്രകാരം നാഥനില്‍ നിന്നുള്ള യുക്തിനിര്‍ഭരമായ ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ കൊണ്ട് ജിന്നുകൂട്ടുകാരനെ വിശ്വാസിയാക്കാത്തതിനാല്‍ അവരുടെ ജിന്നുകൂട്ടുകാരന്‍ അവരുടെ പിരടിയില്‍ ബന്ധിച്ചിട്ടുള്ള കര്‍മരേഖയില്‍ നരകക്കുണ്ഠത്തിലേക്കുള്ള വഴികളാണ് ചിന്തിപ്പിക്കുന്നതും സംസാരിപ്പിക്കുന്നതും പ്രവര്‍ത്തിപ്പിക്കുന്നതും. ഏതൊരാള്‍ക്കും സ്വര്‍ഗത്തിലേക്ക് തിരിച്ചുപോകാന്‍ 20: 3; 73: 19; 74: 49; 76: 29; 80: 11 തുടങ്ങി 9 സൂക്തങ്ങളില്‍ പറഞ്ഞ ടിക്കറ്റായ അദ്ദിക്റിനെ സത്യപ്പെടുത്തി ജീവിക്കുക തന്നെ വേണം. ടിക്കറ്റായ അദ്ദിക്റിനെ മൂടിവെച്ച ഏതൊരു മനുഷ്യനും വധിക്കപ്പെട്ടിരിക്കുന്നു എന്ന് 80: 17 ലും പറഞ്ഞിട്ടുണ്ട്. അദ്ദിക്ര്‍ വന്നുകിട്ടിയിട്ട് അതുകൊണ്ട് വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും വിധി കല്‍പിക്കാത്തവര്‍ തന്നെയാണ് കാഫിറുകളും അക്രമികളും തെമ്മാടികളും എന്ന് യഥാക്രമം 5: 44, 45, 47 സൂക്തങ്ങളില്‍ ഫുജ്ജാറുകള്‍ വായിച്ചിട്ടുണ്ട്. 25: 18 പ്രകാരം മഹാത്മാക്കളും 25: 30 പ്രകാരം പ്രവാചകന്‍ തന്നെയും എതിരായി അന്യായം ബോധിപ്പിക്കുന്ന ഈ കെട്ടജനത അദ്ദിക്ര്‍ കൊണ്ട് വിശ്വാസിയാകാതെ 9: 53-55; 25: 34, 65-66; 107: 4-5 സൂക്തങ്ങളില്‍ പറഞ്ഞ പ്രകാരം നമസ്കരിച്ചും നോമ്പനുഷ്ഠിച്ചും ഹജ്ജും ഉംറയും ചെയ്തും പിഴയായി നരകക്കുണ്ഠം സമ്പാദിക്കുന്നവരാണ്. 2: 102, 256-257; 4: 51 വിശദീകരണം നോക്കുക.